Lið vikunnar í enska - Foden og Mahrez í liðinu

Alisson (Liverpool) - Markvörður Liverpool kom í veg fyrir að Everton næði fyrsta sigri sínum í borgarslagnum í tíu ár.

Mason Holgate (Everton) - Átti stóran þátt í því að sóknarmönnum Liverpool var haldið í skefjum.

Cesar Azpilicueta (Chelsea) - Átti tvær stoðsendingar í sigri gegn Aston Villa.

Craig Dawson (Watford) - Skoraði með klippu gegn Leicester og reddaði stigi. 1-1.

James Ward-Prowse (Southampton) - Nýr fyrirliði var flottur í öruggum sigri gegn Norwich.

Nathan Redmond (Southampton) - Skoraði á Carrow Road.

Phil Foden (Manchester City) - Var frábær í 5-0 sigri City gegn Burnley. Tvö mörk og flott frammistaða hjá leikmanninum unga.

Stuart Armstrong (Southampton) - Skoraði eitt og lagði upp annað.

Riyad Mahrez (Manchester City) - Skoraði líka tvö eins og Foden.

Matt Ritchie (Newcastle) - Mark og stoðsending í flottum sigri gegn Sheffield United.

Danny Ings (Southampton) - Bauð upp á mark, stoðsendingu og flotta frammistöðu.