2. deild kvenna: Augnablik skoraði sex - Jafnt í Breiðholti

Augnablik var í miklum ham og leiddi með fimm mörkum í hálfleik.

Dóróthea Ósk Haraldsdóttir braut ísinn á 17. mínútu áður en Kolbrún Nanna Karlsdóttir skoraði tvívegis og Kristín Vala Stefánsdóttir einu sinni á næstu tuttugu mínútum. Ólöf Inga Pálsdóttir bætti við fimmta markinu undir lok fyrri hálfleiks.

Díana Ósk Th. Bjarnadóttir skoraði sjötta mark Augnabliks um miðjan síðari hálfleik en Rósa Björk Borgþórsdóttir gerði eina mark Smára undir lokin.

Augnablik vann því 6-1 og er í sjötta sæti með 16 stig. Smári situr á botninum með eitt stig og leitar enn að sínum fyrsta sigri.

ÍR og KFR skildu síðan jöfn, 1-1, í Breiðholtinu. Tara Dís Ármann kom ÍR yfir á 16. mínútu en Soffía Náttsól Andradóttir jafnaði þegar tíu mínútur voru eftir af fyrri hálfleik.

KFR er í níunda sæti með átta stig en ÍR situr sæti neðar með fimm stig.

ÍR 1 - 1 KFR
1-0 Tara Dís Ármann ('16 )
1-1 Soffía Náttsól Andradóttir ('35 )

Smári 1 - 6 Augnablik
0-1 Dórothea Ósk Haraldsdóttir ('17 )
0-2 Kolbrún Nanna Karlsdóttir ('22 )
0-3 Kristín Vala Stefánsdóttir ('24 )
0-4 Kolbrún Nanna Karlsdóttir ('34 )
0-5 Ólöf Inga Pálsdóttir ('40 )
0-6 Díana Ósk Th. Bjarnadóttir ('66 )
1-6 Rósa Björk Borgþórsdóttir ('87 )