Manuel Lanzini skoraði eina mark leiksins en Casey Stoney fyrrum þjálfari kvennaliðs Manchester United gagnrýndi varnartilburði Donny Van De Beek í markinu.

„Þetta er lélegur varnarleikur, hann sér manninn, ég skil ekki af hverju hann ræðst á boltann, hann á bara að dekka manninn," sagði Stoney.

Það hefur lítið sem ekkert gengið hjá Van De Beek síðan hann gekk til liðs við United en hann byrjaði gegn Young Boys en var tekinn af velli í hálfleik.

Dimitar Berbatov sagði í síðustu viku að Van De Beek sé ekki búinn að fá nógu mikinn tíma til að sýna sitt rétta andlit.