Fotbolti.net
24.02.22 - 10:30
Elvar Geir Magnússon

Í beinni - Nýtt vörumerki efstu deilda

Kynningarfundur sem hefst klukkan 11:30

<b>Í beinni</b> - Nýtt vörumerki efstu deilda
Canon

Mynd: Fótbolti.net - Hafliði Breiðfjörð

Í dag verður nýtt vörumerki efstu deilda kvenna og karla afhjúpað á kynningarfundi í Bæjarbíói í Hafnarfirði. Fundurinn hefst klukkan 11:30.

Fótbolti.net er í Hafnarfirði og fylgist með í beinni textalýsingu
Vörumerkið og nýtt nafn á deildunum verður afhjúpað með myndbandi. Markaðsstjóri ÍTF og Brandenburg fara svo yfir tilurð vörumerkisins, hönnun og myndheim.

Íslenski fótboltinn fer sömu leið og verið er að fara um allan heim. Deildin mun fá nýtt nafn til frambúðar sem ekki verður tengt styrktaraðila. Líkt og þekkist með Premier League á Englandi, Eliteserien í Noregi og Superliga í Danmörku svo dæmi séu tekin.

Í beinni

12:12
Formlegri athöfn er lokið en við munum halda áfram að fjalla um þetta nýja vörumerki á deildinni á síðunni í dag.

Takk fyrir að fylgjast með þessari lýsingu!
12:10
12:09
Eitt Sett, Steypustöðin og Lengjan eru núna þrír aðalstyrktaraðilar deildanna.
12:07
Nýr bikar fyrir deildina! Það er skjöldur sem Íslandsmeistararnir 2022 fá.


12:05
Björn segir að það hafi verið flókið verk að finna nafn á deildina. Besta deildin skilst vel á mörgum erlendum tungumálum og það hjálpi til.
12:01
12:00


Björn Þór er að fara yfir vinnuna í kringum nýtt vörumerki íslenska boltans. Mikil vinna sem fór í þetta og talað við fjölmarga.
11:56
11:55
BESTA DEILDIN

Nýtt nafn á efstu deildirnar (Staðfest)
11:54

11:52
Björn Þór Ingason markaðsstjóri ÍTF kynnir myndband þar sem nýtt nafn á deildunum verður afhjúpað.
11:51
Vanda með veiruna
Vanda Sigurgeirsdóttir formaður KSÍ greindist með Covid í morgun og er því ekki viðstödd. Orri skilar kveðju frá formanninum. Þetta smit setur væntanlega einhvern strik í reikninginn í baráttu hennar fyrir ársþingið.
11:49


Orri Hlöðversson, formaður ÍTF, opnar samkomuna og talar um hversu stór áfangi þetta sé fyrir íslenskan fótbolta. ÍTF hefur verið á ýmsum fundum varðandi réttindamál að íslenska boltanum. Samningar hafa verið gerðir sem hafa talsverð áhrif á fjárhagsumhverfið í boltanum.
11:48


Þá hefjast ræðurnar.
11:44
Jæja salurinn er opinn og þá fer formleg dagskrá að hefjast...
11:32


Fólk er ekkert að flýta sér of mikið, salurinn er enn lokaður. Nóg að ræða enda ársþing framundan.
11:23
Það er létt yfir mönnum í fordrykknum í hinu glæsilega Bæjarbíói. Hinn umtalaði Jón Rúnar mættur og spjallar við fólk. Veitingar og hátíðarbragur á þessu öllu saman.
10:46
Birgir Jóhannsson framkvæmdastjóri ÍTF og Þórir Hákonarson íþróttastjóri og sérfræðingur mættu í útvarpsþáttinn Fótbolti.net síðasta laugardag. Rætt var um nýja samninga í íslenska boltanum, peningastreymi og komandi ársþing.

10:42
Besta deildin?

Sú saga hefur verið í gangi að 'Besta deildin' verði nýja nafnið á deildinni. Eitthvað sem maður hefur heyrt úr ýmsum áttum. Íslandsdeildin er nafn sem hefur verið í umræðunni en lendingin virðist vera 'Besta deildin'.

Staðfesting á því ætti að detta inn rétt á eftir...
10:30
Nýtt keppnisfyrirkomulag í karlaflokki með fjölgun leikja
Tvískipt deild og 27 leikir á lið - Í nýju keppnisfyrirkomulagi, sem verður að öllum líkindum samþykkt á ársþingi um helgina, verður fjölgun leikja í karladeildinni en áfram tólf lið. Það má kalla þetta "dönsku leiðina" en þetta er nánast sama fyrirkomulag og er í Superliga.

- Liðin byrja að mætast heima og að heiman í hefðbundnu fyrirkomulagi en þegar þeim 22 umferðum er lokið verður deildin tvískipt. Sex efstu liðin mætast aftur innbyrðis í efri deild og sex neðstu liðin í neðri deild.

- Liðin byrja þó alls ekki á núlli því þau taka með sér stigin áfram. Þegar deildinni hefur verið tvískipt er svo leikin einföld umferð og því bætast við fimm leikir á hvert lið, alls 27 leikir.

Hvaða lið hefðu farið í efri deildina?
Ef við miðum bara við síðasta tímabil þá hefðu Víkingur (48 stig), Breiðablik (47), KR (41), KA (40), Valur (39) og FH (33) farið í efri deildina og mæst aftur innbyrðis, alls fimm umferðir.

Stjarnan, Leiknir, ÍA, Keflavík, HK og Fylkir hefðu svo mæst í neðri deildinni. Þetta fyrirkomulag gefur fleiri leiki innbyrðis í topp- og líka í fallbaráttunni og ætti því að auka líkurnar á spennandi lokakafla.
10:20
Góðan og gleðilegan dag!

Það er spenna í lofti enda er verið að fara að kynna nýtt vörumerki og nafn á efstu deildum karla og kvenna. Kynningarfundurinn hefst klukkan 11:30 og við fylgjumst með öllu saman í þessari beinu textalýsingu.

Staðurinn er Bæjarbíó í Hafnarfirði. Hafliði Breiðfjörð verður með myndavélina á lofti og Sæbjörn Steinke talar við fólk.

Dagskráin verður eftirfarandi:

Vörumerkið afhjúpað með kynningarmyndbandi.

Markaðsstjóri ÍTF fer yfir þá undirbúningsvinnu sem ráðist var í og tilurð vörumerkisins.

Brandenburg fer yfir hönnun merkis og myndheims.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.