Stellini rekinn frá Tottenham (Staðfest) - Mason tekur við

Stellini og Conte.

Mynd: Getty Images

Ryan Mason

Mynd: EPA

Stellini og Conte.

Mynd: Getty Images

Cristian Stellini var í dag rekinn frá Tottenham eftir mánuð í starfi sem aðalþjálfari liðsins. 6-1 tapið gegn Newcastle var síðasti naglinn í kistuna.

Stellini var aðstoðarmaður Antonio Conte sem var látinn fara í síðasta mánuði og var Stellini ráðinn bráðabirgðastjóri út tímabilið. Tottenham hefur leikið fjóra leiki eftir að Conte var látinn fara. Fyrst gerði liðið 1-1 jafntefli við Everton, vann svo heppnissigur gegn Brighton, tapaði næst 2-3 á heimavelli gegn Bournemouth og tapaði svo með fimm mörkum gegn Newcastle í gær.

„Frammistaðan gegn Newcastle á sunnudag var algjörlega óásættanleg. Þetta var hrikalegt að sjá. Við getum horft í marga hluti hvers vegna þetta gerðist. Ég, stjórnin, þjálfararnir og leikmennirnir verðum saman að bera ábyrgð, en að lokum er ábyrgðin hjá mér," segir Daniel Levy, stjórnarformaður Tottenham, í yfirlýsingu rétt í þessu.

„Cristian mun yfirgefa sína stöðu ásamt teymi sínu. Cristian kom inn á erfiðum tíma á tímabilinu og ég vil þakka honum fyrir fagmennskuna sem hann hefur sýnt. Við óskum honum og hans starfsteymi góðs gengis."

„Ryan Mason tekur við sem aðalþjálfari. Ryan þekkir félagið og leikmenina vel. Við munum upplýsa nánar með þjálfarateymið fljótlega."

„Ég ræddi við leikmennina og hópurinn er ákveðinn í að enda tímabilið eins vel og hægt er," segir Levy.

Tottenham er sem stendur í fimmta sæti deildarinnar, sex stigum frá Meistaradeildarsæti og hefur spilað leik meira en Newcastle og tveimur leikjum meira en Manchester United. Liverpool á leik til góða á Tottenham og getur með sigri í þeim leik komist upp fyrir Tottenham.

Næsti leikur liðsins er gegn Manchester United á fimmtudag.

Ryan Mason

Mynd: EPA

Stöðutafla

#	Lið	L	mun	Stig
1	Arsenal	0	0	0
2	Aston Villa	0	0	0
3	Bournemouth	0	0	0
4	Brentford	0	0	0
5	Brighton	0	0	0
6	Chelsea	0	0	0
7	Coventry	0	0	0
8	Crystal Palace	0	0	0
9	Everton	0	0	0
10	Fulham	0	0	0
11	Hull City	0	0	0
12	Ipswich Town	0	0	0
13	Leeds	0	0	0
14	Liverpool	0	0	0
15	Manchester City	0	0	0
16	Manchester Utd	0	0	0
17	Newcastle	0	0	0
18	Nott. Forest	0	0	0
18	West Ham	38	-19	39
19	Burnley	38	-37	22
19	Sunderland	0	0	0
20	Wolves	38	-41	20
20	Tottenham	0	0	0