Athletic Bilbao vann góðan sigur í dag
Tveimur fyrstu leikjum dagsins á Spáni er lokið en Athletic Bilbao vann góðan 2-1 útisigur á Osasuna.
Espanyol og Getafe gerðu 1-1 jafntefli í fyrsta leik dagsins. Jaime Mata kom gestunum í Getafe yfir á 3. mínútu áður en Wu Lei jafnaði undir lok fyrri hálfleiks.
Bilbao vann þá Osasuna 2-1. Inaki Williams kom Bilbao yfir á 21. mínútu áður en Ezequiel Avila jafnaði metin á fimmtán mínútum fyrir leikslok. Kenan Kodro reyndist hetja Bilbao með marki þremur mínútum síðar og mikilvægur sigur í höfn.
Bilbao er í 5. sæti með 23 stig á meðan Osasuna er í 11. sæti með 19 stig.
Úrslit og markaskorarar:
Espanyol 1 - 1 Getafe
0-1 Jaime Mata ('3 )
1-1 Wu Lei ('45 )
Osasuna 1 - 2 Athletic
0-1 Inaki Williams ('21 )
1-1 Ezequiel Avila ('76 )
1-2 Kenan Kodro ('79 )
Athugasemdir
