England í dag - Egypski kóngurinn og egypski prinsinn í eldlínunni

Sex leikir eru á dagskrá í ensku úrvalsdeildinni í dag. Það er hins vegar enginn leikur í hádeginu. Veislan hefst klukkan 15 þegar fimm leikir erru á dagskrá.

Liverpool fær Ipswich í heimsókn, Liverpool komst aftur á sigurbraut eftir sigur á Brentford en liðið hafði ekki unnið í þremur deildarleikjum í röð fyrir þann leik. Ipswich er hins vegar vængbrotið eftir 6-0 tap gegn Man City um síðustu helgi. Mohamed Salah, egypski kóngurinn eins og hann er iðulega kallaður, hefur farið hamförum með Liverpool.

Spútník lið deildarinnar Bournemouth og Nottingham Forest mætast í áhugaverðumslag og Arsenal heimsækir Wolves en Forest og Arsenal eru sex stigum á eftir Liverpool.

Kvöldleikurinn ere síðan stórleikur Man City og Chelsea. Man City hefur verið duglegt á markaðnum undanfarna daga og allir þrír nýju leikmennirnir, Vitor Reis, Abdukodir Khusanov og Omar Marmoush verða í hópnum.