Núverandi samningur Mbappe rennur út eftir næsta tímabil og vilja frönsku meistararnir endursemja við þessa stórstjörnu. Hann hefur mikið verið orðaður við Real Madrid.

Leonardo, yfirmaður knattspyrnumála hjá PSG sagði: „Við höfum lengi verið að vinna í nýjum samningi fyrir Mbappe. Við vitum hvað við viljum. Nú nálgumst við þann tíma þar sem við þurfum að fá svar og niðurstöðu."

PSG vill ekki lenda í því að Mbappe fari inn í næsta tímabil á sínu síðasta ári á samningi. Leikmaðurinn hefur skorað 21 mark í 30 leikjum á þessu tímabili og er talið að hann taki við keflinu af Lionel Messi og Cristiano Ronaldo sem besti leikmaður heims á næstu árum.