Á fréttamannafundi landsliðsins sem haldinn var á Laugardalsvelli þegar landsliðshópurinn var tilkynntur fyrir leiki Íslands gegn Andorra og Frakklands í undankeppni EM 2020 var einnig tilkynnt hverjir hjálpa þjálfarateyminu að leikgreina andstæðinga Íslands.
Í þeim hópi er Gunnar Borgþórsson, fyrrum þjálfari Selfoss sem hætti með liðið síðasta sumar eftir lélegt gengi. Tímabilið hjá Selfossi endaði með því að liðið féll úr Inkasso-deildinni.
Í þeim hópi er Gunnar Borgþórsson, fyrrum þjálfari Selfoss sem hætti með liðið síðasta sumar eftir lélegt gengi. Tímabilið hjá Selfossi endaði með því að liðið féll úr Inkasso-deildinni.
Kristján Óli Sigurðsson, einn af spekingunum í hlaðvarpsþættinum Dr. Football er ekki vanur að liggja á skoðunum sínum. Hann hefur skoðun á þessu eins og svo mörgu.
„Allt klárt. Ég fór til Moldavíu og greindi Frakkana í tætlur. Mbappe er mjög fljótur og ALLS ekki hleypa Griezmann á vinstri fótinn. Gæji sem drullar með Selfoss í Inkasso farinn að leikgreina heimsmeistarana. Can’t make this shit up," skrifar Kristján Óli á Twitter síðu sína.
Þess má geta að Davíð Snorri Jónasson sá um að leikgreina Frakka á HM í Rússlandi í fyrra en hann er nú staddur í verkefni með U17-landsliðinu og gat því ekki séð um að leikgreina leik heimsmeistarana gegn Moldavíu. Gunnar fór því í það verkefni.
Ísland mætir Frökkum á Stade de France í París í kvöld klukkan 19:45 að íslenskum tíma í öðrum leik sínum í undakeppni EM 2020. Ísland vann Andorra á föstudaginn 2-0 í Andorra.
Hægt er að sjá færslu Kristjáns hér að neðan.
Allt klárt. Ég fór til Moldavíu og greindi Frakkana í tætlur. Mbappe er mjög fljótur og ALLS ekki hleypa Griezmann á vinstri fótinn.
— Kristján Óli Sigurðsson (@kristjanoli) March 25, 2019
Gæji sem drullar með Selfoss í Inkasso farinn að leikgreina heimsmeistarana. Can’t make this shit up. pic.twitter.com/ZViBO13ENl
Athugasemdir