Barcelona og umboðsmaður Dembele funduðu fyrir nokkrum dögum en ekkert samkomulag náðist. Barcelona telur nú að Dembele hafi önnur plön fyrir framtíðina.

Samkvæmt Sport.es, þá telja forráðarmenn Barcelona það að hann vilji fara frá félaginu á næsta ári af því hann virðist ekki vera spenntur yfir því að skrifa undir nýjan samning.

Ef hann skrifar ekki undir nýjan samning munu Börsungar setja Dembele á sölulistann og er félagið talið vilja fá 52 milljónir punda fyrir þennan Frakka.

Barcelona keypti Dembele frá Dortmund árið 2017 fyrir 96 milljónir punda, hvorki meira né minna. Hann hefur verið mjög mikið meiddur á tíma sínum hjá Barca en hefur sýnt flotta spretti inn á milli.