Lengjudeild kvenna: Þrjú systrapör spiluðu með Keflavík - Fyrsta tap KR

Mynd: Keflavík

4. umferð Lengjudeildar kvenna fór fram í dag. Haukar eru á toppnum, eina liðið með fullt hús stiga, en Ísold Hallfríðar Þórisdóttir skoraði tvennu í sigri gegn Selfossi í dag.

Grótta tapaði í fyrstu umferð en er komið með þrjá sigra í röð og er í 2. sæti eftir sigur á KR en KR er í 3. sæti og tapaði sínum fyrstu stigum í dag.

ÍA er í 4. sæti eftir sigur á botnliði Tindastóls sem leitar enn að sínum fyrsta sigri. Alexa Maletis gerði sér lítið fyrir og skoraði þrennu á fjórum mínútum fyrir ÍA. Þá vann Völsungur sigur á Keflavík en það vekur athygli að það voru þrjú systrapör í liði Keflavíkur í gær.

Það voru þær tvíburasystur Eva Lind og Anita Lind Daníelsdætur, María Rán og Rakel Inga Ágústsdætur og tvíburasysturnar Anna og Brynja Arnarsdætur. Fótbolti.net vakti athygli á því að Aníta Lind, Eva Lind, Anna og Brynja hafi spilað saman í Lengjubikarnum fyrir ári síðan ásamt systrunum Salóme Kristínu og Thelmu Sif Róbertsdætrum. Salóme spilaði einnig í dag.

Þá skildu HK og FHL jöfn 1-1 en bæði mörkin komu í fyrri hálfleik.

ÍA 5 - 0 Tindastóll
1-0 Alexa Maletis ('41 )
2-0 Alexa Maletis ('43 )
3-0 Alexa Maletis ('45 )
4-0 Madison Brooke Schwartzenberger ('56 )
5-0 Erla Karitas Jóhannesdóttir ('62 )

Haukar 3 - 1 Selfoss
1-0 Ísold Hallfríðar Þórisdóttir ('26 )
1-1 Juliana Marie Paoletti ('52 )
2-1 Ragnheiður Tinna Hjaltalín ('64 )
3-1 Ísold Hallfríðar Þórisdóttir ('90 )

Grótta 2 - 0 KR
1-0 Maya Camille Neal ('30 )
2-0 Kristín Þóra Birgisdóttir ('84 )

HK 1 - 1 FHL
0-1 Celia Maria Ruano Trujillo ('3 )
1-1 Cally Queen Togiai ('29 )

Völsungur 3 - 1 Keflavík
1-0 Ragnheiður Sara Steindórsdóttir ('9 )
1-1 Anita Bergrán Eyjólfsdóttir ('13 )
2-1 Maria Fernanda Contreras Munoz ('65 )
3-1 Hildur Arna Ágústsdóttir ('76 )

Stöðutafla

#	Lið	L	mun	Stig
1	Haukar	6	+7	16
2	Grótta	6	+10	15
3	KR	6	+8	15
4	ÍA	7	+6	10
5	Völsungur	7	0	8
6	Keflavík	6	+2	7
7	HK	6	+1	7
8	Selfoss	6	-3	7
9	FHL	6	-3	4
10	Tindastóll	6	-28	0