Heimild: dv 433
433 greinir frá því að Jón Dagur Þorsteinsson, leikmaður OH Leuven í Belgíu, sé á leið í þýska boltann.
Hann er á leið í læknisskoðun hjá Hertha Berlin, sem leikur í næstefstu deild í Þýskalandi.
Jón Dagur er 25 ára gamall kantmaður með 37 landsleiki að baki fyrir Ísland. Undanfarin ár hefur hann leikið fyrir AGF í Danmörku og Leuven í Belgíu við góðan orðstír og nú er kominn tími á næsta skref á ferlinum.
Hertha kaupir Jón Dag frá Leuven eftir að hafa unnið kapphlaup við ýmis önnur félög sem vildu einnig kaupa íslenska landsliðsmanninn.
Hertha er með fjögur stig eftir þrjár umferðir á nýju tímabili í Þýskalandi, eftir að hafa endað um miðja deild á síðustu leiktíð með 48 stig úr 34 leikjum.
Athugasemdir
