Fotbolti.net
25.11.18 - 16:23
Guðmundur Aðalsteinn Ásgeirsson

Boca sendir frá sér yfirlýsingu - Vilja frestun

Carlos Tevez er stjarnan í liði Boca Juniors.

Carlos Tevez er stjarnan í liði Boca Juniors.

Canon

Mynd: Getty Images

Boca Juniors hefur sent frá sér opinbera yfirlýsingu þar sem þess er krafist að seinni leikur liðsins við River Plate í úrslitum Meistaradeildar Suður-Ameríkur verði frestað enn frekar.
Leikurinn átti að fara fram í gær en var frestað eftir að stuðningsmenn River Plate réðust á liðsrútu Boca Juniors. Var táragasi meðal annars kastað inn í rútuna.

Leikmenn Boca voru ekki í góðu ásigkomulagi eftir árásina og var leiknum því frestað.

Hann á að fara fram í kvöld en Boca hefur farið fram á það að leiknum verði frestað enn frekar. Þetta er seinni leikur liðanna en fyrri leikurinn á heimavelli Boca endaði með 2-2 jafntefli.

Þetta er í fyrsta skipti þar sem River Plate og Boca mætast í úrslitunum í þessari keppni en liðin eru gríðarlegir erkifjendur.

Boca vill ekki að leikurinn verði spilaður fyrr en öryggi leikmanna verði tryggt.


Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.