Sinnott kom upp í gegnum akademíu Huddersfield Town og spilaði tvo leiki fyrir aðallið félagsins í Championship-deildinni.
Jordan Sinnott, leikmaður Matlock Town í sjöundu efstu deild Englands, er látinn aðeins 25 ára að aldri. Hann lést í kjölfar líkamsárásar sem hann varð fyrir í bænum Retford á föstudagskvöld.
Sinnott, sem var eitt sinn á mála hjá Huddersfield Town, höfuðkúpubrotnaði. Hann lést í faðmi fjölskyldu sinnar á spítala í gærkvöldi.
Maður er í haldi lögreglu vegna málsins, maðurinn er 27 ára gamall. Lögreglan í Nottinghamshire fer með rannsókn málsins.
Lögregla var send á Dominie Cross barinn í Retford um klukkan 23:25 á föstudagskvöld vegna tilkynningu um slagsmál á bílastæði þar. Átta manns voru viðloðandi þau slagsmál. Breskir fjölmiðlar segja svo frá því að um klukkan tvö hafi sjúkraflutningarmenn komið að meðvitundarlausum Sinnott.
Lögreglan leitar að vitnum sem geta gefið upplýsingar um málið.
Sinnott var í láni hjá Matlock frá Alfreton. Bæði félög fengu leikjum sínum frestað um þessa helgi.
„Þú varst ekki bara fótboltamaður, þú varst vinur okkar og bróðir. Þú gafst okkur ótrúlegar minningar og skoraðir þína fyrstu þrennu á ferlinum í síðasta leiknum," sagði í færslu Matlock Town á Twitter. „Hvíl í friði Jordan. Við elskum, söknum og munum aldrei gleyma þér."
You weren't just a footballer, you were our friend and brother. You gave us incredible memories and scored your first career hat-trick in your final game for the club.
— Matlock Town FC (@Matlock_TownFC) January 25, 2020
Rest easy Jordan, we love, miss and will never forget you. pic.twitter.com/JB8ZCThCSZ
Athugasemdir