Rúnar Páll var ekki sáttur með sína menn eftir 6-0 tap gegn ÍA í Lengjubikarnum nú fyrr í kvöld, leikurinn fór fram í Kórnum.
„Ég er mjög ósáttur með leikinn, en Skagamenn voru bara drullugóðir og við áttum í erfiðleikum með þá.'' Voru fyrstu viðbrögð Rúnars eftir leik.
„Við vorum bara lélegir og fengum það aldeilis í andlitið, það er svosem allt í lagi að fá það í andlitið á þessum tíma, við höfum nokkrar vikur til að laga það sem laga þarf.'' Hélt Rúnar áfram.
Rúnar var spurður út í hvort Stjarnan fái einhvern frekari liðsstyrk, svarið var skýrt: „Nei.'' - En Rúnar talaði einnig um að fá leikmenn til baka úr meiðslum og fleira sem hjálpar liðinu fyrir lokaundirbúninginn áður en Pepsi Max deildin hefst.
„Jájá, ég hef engar áhyggjur af því.'' Sagði Rúnar Páll þegar hann var spurður hvort næstu vikur verði ekki notaðar í að fínpússa liðið svo Stjarnan tapi ekki 6-0 fyrir Skaganum í júlí.
Rúnar talar einnig um stöðuna á liðinu, Nimo og Björn Berg en viðtalið í heild sinni má sjá í spilaranum hér að ofan.
Athugasemdir
