Þýska B-deildarliðið Darmstadt hefur verið að gera fína hluti í síðustu leikjum liðsins en það vann Bochum 3-1 í kvöld eftir að hafa lent undir í leiknum.
Íslenski landsliðsmaðurinn Guðlaugur Victor Pálsson var á sínum stað í byrjunarliði Darmstadt og spilaði hann allan leikinn fyrir liðið í kvöld.
Darmstadt lenti undir á 74. mínútu leiksins en mætti því mótlæti af krafti og skoraði þrjú mörk á sjö mínútna kafla.
Serdar Dursun skoraði tvö og Christian Clemens eitt mark og lokatölur því 3-1.
Darmstadt hefur unnið þrjá af síðustu fjórum leikjum liðsins og er í 10. sæti deildarinnar með 42 stig.
Athugasemdir