fim 26. maí 2022 06:00
Brynjar Ingi Erluson
Cucurella gæti ekki hafnað Man City
Marc Cucurella
Marc Cucurella
Mynd: Getty Images
Spænski vinstri bakvörðurinn Marc Cucurella er opinn fyrir því að ganga til liðs við Manchester City í sumar en þetta sagði hann á Twitch í gær.

Cucurella er 23 ára gamall og kom til Brighton á síðasta ári en hann var valinn besti leikmaður ársins á fyrsta tímabili sínu á Englandi.

Spánverjinn hefur verið orðaður við Englandsmeistara Manchester City síðustu vikur og kveðst leikmaðurinn opinn fyrir því að fara þangað.

Cucurella myndi smellpassa inn í lið Guardiola en hann getur spilað bæði sem bakvörður og á vængnum.

„Maður verður að nýta sér tækifærið ef það gefst. Sumum liðum er ekki hægt að hafna," sagði Cucurella á Twitch er hann var spurður út í áhuga Man City.
Athugasemdir
banner
banner
banner
banner