fim 26. maí 2022 07:00
Brynjar Ingi Erluson
Mané á förum frá Liverpool? - „Erfitt fyrir mig að svara þessari spurningu núna"
Sadio Mané
Sadio Mané
Mynd: EPA
Senegalski sóknarmaðurinn Sadio Mané gæti verið á förum frá Liverpool í sumar en hann ræddi við Sky Sports um framtíðina í gær.

Mané, sem er 30 ára gamall, var keyptur til Liverpool frá Southampton fyrir sex árum og hefur síðan þá skorað 120 mörk í 268 leikjum.

Hann hefur unnið allt sem hægt er að vinna hjá félaginu og gæti nú verið í leit að nýrri áskorun ef marka má svör hans í viðtali við Sky Sports er hann var spurður út í framtíðina.

„Þetta er mjög góð spurning og það er erfitt að svara henni núna. Spurðu mig að þessari spurningu eftir úrslitaleikinn í Meistaradeildinni og ég mun gefa þér svar," sagði Mané við Sky en úrslitaleikurinn er gegn Real Madrid á laugardag.

Bayern München og Paris Saint-Germain hafa mikinn áhuga á því að fá hann í sumar en hann á aðeins eitt ár eftir af samningi hjá Liverpool.


Athugasemdir
banner
banner