„Ég vill bara óska Ægismönnum til hamingju með sigurinn, þeir gerðu þetta hrikalega vel og þetta var erfiður leikur." sagði Rúnar Páll Sigmundsson þjálfari Fylkis.
„Við fengum ágætis færi til að klára leikinn það er nú bara þannig og Ægir gerðu vel. Við fengum 4 eða 5 opin færi sem hefðum átt að klára og þeir refsuðu okkur grimmilega hérna í lokin og það fór sem fór."
Lestu um leikinn: Ægir 1 - 0 Fylkir
Komu Ægismenn Rúnari eitthvað á óvart?
„Nei. Þessi fótbolti á Íslandi er bara orðin öflugur. Hvort sem það er Lengjudeildin, 2.deildin eða Besta deildin, þetta er allt á uppleið og það er jákvætt fyrir okkur."
Leikurinn var opinn og skemmtilegur og fengu bæði lið nóg af færum í leiknum.
„Auðvitað er það drullu fúllt. Ægismenn fengu líka fín færi þar sem Óli náði að bjarga allaveganna tvisvar og eitt fór í slánna hjá þeim. Þetta var mjög opin og skemmtilegur leikur. Ég ætla ekki að kvarta yfir frammistöðunni eða öðru slíku. Þetta var jafn bikarleikur og við töpuðum þessari viðureign og það er stundum svoleiðis í fótboltanum."
Viðtalið í heild sinni má sjá í sjónvarpinu hér að ofan.
