Njarðvík tók á móti nágrönnum sínum úr Keflavík á JBÓ vellinum í kvöld þegar tíunda umferð Lengjudeildarinnar hóf göngu sína.
Lestu um leikinn: Njarðvík 3 - 1 Keflavík
„Mér fannst við eiga sigurinn skilið" sagði Kenneth Hogg fyrirliði Njarðvíkinga eftir leikinn í kvöld.
„Mér fannst í fyrri hálfleik við spila miklu betur en þeir og þeir vissu ekki hvernig þeir ættu að díla við okkur. Við vorum að spila okkur úr pressunni þeirra í hvert skipti"
„Í seinni hálfleik þá fáum við á okkur lélegt mark en við komum strax til baka og mér fannst við eiga skilið að vinna"
Stuttu fyrir fyrsta mark leiksins sluppu Keflavík einir í gegn og Kári Sigfússon féll í teignum í baráttu við Kenneth Hogg og vildu Keflvíkingar fá víti og rautt á Njarðvíkinga.
„Nei, ég snerti hann en það var alltof aumt til að fá rautt spjald og klárlega ekki víti. Ég var bara gamall maður að elta ungan gæja og hann verður að gefa mér smá séns" sagði Kenneth Hogg brosandi.
„Að mínu mati hefði það verið 'soft' ef það hefði átt að gefa rautt og víti á þetta"
Njarðvíkingar komust á topp deildarinnar um í bili hið minnsta eftir þennan sigur en hversu langt getur þetta lið farið?
„Við höfum mikla trú á þessum hóp og okkur finnst við geta gert góða hluti. Okkar markmið í upphafi móts var að fara upp og okkur langar að afreka það. Við trúum því að við getum það eftir góða byrjun á tímabilinu rétt eins og á síðata tímabili áttum við góða byrjun"
„Okkur langar auðvitað ekki í þessa niðursveiflu sem við áttum þá svo við verðum að halda áfram og halda trú á hvor öðrum og mér finnst í ár við vera miklu heilsteyptara lið á meðan í fyrra vorum við með góða einstaklinga. Þú gast séð í dag sem dæmi að við vorum allir að berjast fyrir hvort annan og ég held við getum barist allt til enda í ár"
Nánar er rætt við Kenneth Hogg í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Njarðvík | 10 | 5 | 5 | 0 | 24 - 10 | +14 | 20 |
| 2. ÍR | 9 | 5 | 4 | 0 | 12 - 4 | +8 | 19 |
| 3. HK | 9 | 5 | 2 | 2 | 17 - 9 | +8 | 17 |
| 4. Þór | 9 | 4 | 2 | 3 | 20 - 17 | +3 | 14 |
| 5. Þróttur R. | 9 | 4 | 2 | 3 | 16 - 15 | +1 | 14 |
| 6. Völsungur | 9 | 4 | 1 | 4 | 15 - 19 | -4 | 13 |
| 7. Keflavík | 9 | 3 | 3 | 3 | 16 - 12 | +4 | 12 |
| 8. Grindavík | 8 | 3 | 2 | 3 | 22 - 19 | +3 | 11 |
| 9. Leiknir R. | 9 | 2 | 2 | 5 | 10 - 22 | -12 | 8 |
| 10. Fylkir | 9 | 1 | 4 | 4 | 10 - 14 | -4 | 7 |
| 11. Fjölnir | 9 | 1 | 3 | 5 | 11 - 19 | -8 | 6 |
| 12. Selfoss | 9 | 2 | 0 | 7 | 6 - 19 | -13 | 6 |
