mán 26. júlí 2021 21:41
Sæbjörn Þór Þórbergsson Steinke
Myndband: Arnautovic fékk höfðinglegar móttökur - Blys, flugeldar og fjölmenni
Mynd: Getty Images
Marko Arnautovic lenti í Bologna í kvöld en hann er að ganga í raðir félagsins eftir tvö tímabil í kínversku deildinni þar sem hann var á mála hjá Shanghai SIPG.

Stuðningsmenn Bologna eru heldur betur spenntir að fá Arnautovic til liðsins. Þeir fjölmenntu í kvöld til að taka á móti Austurríkismanninum, mættu með flugelda, fána og blys. Stuðningsmenn sungu nafn Arnautovic og buðu hann velkominn til borgarinnar og félagsins.

Myndband af móttökunum má sjá hér að neðan.

Arnautovic er fyrrum leikmaður Twente, Werder Bremen, Stoke og West Ham. Hann var þá á láni hjá Inter Milan tímabilið 2009-2010. Hann er 32 ára og hefur spilað 91 landsleik fyrir Austurríki.


Athugasemdir
banner
banner