sun 27. janúar 2019 14:45
Guðmundur Aðalsteinn Ásgeirsson
Benfica skorað 293 mörk og ekki fengið á sig neitt
Rilany spilar með Benfica.
Rilany spilar með Benfica.
Mynd: Fótbolti.net - Hafliði Breiðfjörð
Kvennalið Benfica var stofnað 12. desember 2017 og leikur í B-deildinni í Portúgal.

Benfica er stórlið í Portúgal, en kvennaliðið er gjörsamlega að tæta í sig B-deildina. Í gær vann Benfica 32-0 sigur á CP Pego í 15. umferð deildarinnar. Staðan var 14-0 í hálfleik. Þetta er nýtt met í portúgölskum kvennafótbolta.

Benfica stefnir með hraði upp í efstu deild en liðið hefur unnið alla sína leiki á tímabilinu. Liðið hefur spilað 16 leiki, unnið þá alla, skorað 293 mörk og ekki fengið á sig neitt.

Hreint út sagt ótrúleg tölfræði.

Á meðal leikmanna Benfica er Rilany Aguiar da Silva, fyrrum leikmaður Grindavíkur.


Athugasemdir
banner
banner
banner
banner