Fotbolti.net
27.02.22 - 21:26
Guðmundur Aðalsteinn Ásgeirsson

Ásgeir Galdur á leið til Kaupmannahafnar

Ásgeir Galdur í leik með Breiðabliki.

Ásgeir Galdur í leik með Breiðabliki.

Canon

Mynd: Fótbolti.net - Hafliði Breiðfjörð

Ásgeir Galdur Guðmundsson, ungur leikmaður Breiðabliks, er að ganga í raðir FC Kaupmannahafnar í Danmörku.

Frá þessu segir Arnar Laufdal - sem stýrir hlaðvarpsþættinum <i>Ungstirnin</I> hér á Fótbolta.net - á samfélagsmiðlinum <i>Twitter</I> í kvöld.
„Ásgeir 'Magic' Galdur til FC København (Staðfest). Búinn að skrifa undir samning. Enn einn Íslendingurinn að ganga í raðir FCK. Mest spennandi 2006 talent landsins. FCK að borga alvöru fjárhæðir fyrir Galdur," skrifar Arnar.

Ásgeir, sem verður 16 ára í apríl, hefur verið hluti af meistaraflokki Breiðabliks á þessu undirbúningstímabili.

FC Midtjylland hafði einnig áhuga á honum, en hann er að fara til FCK sem er stærsta félagið á Norðurlöndum.

FCK er mikið Íslendingafélag. Ásgeir Galdur verður fimmti Íslendingurinn hjá félaginu; hinir eru Andri Fannar Baldursson, Hákon Arnar Haraldsson, Ísak Bergmann Jóhannesson og Orri Steinn Óskarsson.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.