Forest missir af Brenner - Fer til Udinese (Staðfest)
Mynd: Getty Images
Mynd: Getty Images
Nottingham Forest er meðal félaga sem hefur reynt að krækja í Brenner að undanförnu en brasilíski sóknarmaðurinn er á leið til Udinese á Ítalíu.
Hann mun ganga í raðir félagsins þegar félagsskiptaglugginn opnar í sumar en Udinese er þó búið að staðfesta kaup á leikmanninum.
Udinese borgar 10 milljónir evra fyrir Brenner auk árangurstengdra aukagreiðslna og prósentu af hagnaði næst þegar leikmaðurinn verður seldur.
Brenner hefur raðað inn mörkunum með FC Cincinnati í bandarísku MLS deildinni og hafnaði félagið kauptilboðum frá Udinese og Forest í leikmanninn í janúar.
Þegar Brenner var yngri þótti hann gífurlega mikið efni. Þegar hann gerði 4 mörk í 11 leikjum með U17 landsliði Brasilíu reyndi Arsenal að krækja í hann frá Sao Paulo en án árangurs.
Welcome Brenner ???? ????????
— Udinese Calcio (@Udinese_1896) April 26, 2023
???? #ForzaUdinese #AlèUdin #Udinese #BenvenutoBrenner #Brenner pic.twitter.com/7AGReXAil6
