Íslendingalið Sogndal vann mikilvægan sigur gegn Mjondalen í toppbaráttu norsku B-deildarinnar í dag.
Þrír Íslendingar voru í byrjunarliði Sogndal sem er aðeins þremur stigum frá öðru sæti deildarinnar eftir sigurinn.
Leikurinn var afar bragðdaufur og tíðindalítill þar sem aðeins ein marktilraun hæfði rammann allan leikinn og endaði sá bolti í netinu.
Hörður Ingi Gunnarsson var í vinstri bakverði, Jónatan Ingi Jónsson á hægri kanti og Valdimar Þór Ingimundarson á miðjunni.
Sogndal 1 - 0 Mjondalen
1-0 Erik Grönner ('48)
Í D-deildinni unnu tvö Íslendingalið stórsigra. Volda TI og Hönefoss unnu bæði 5-1 gegn varaliðum Hodd og Kongsvinger.
Hvorki Volda né Hönefoss virðast þó á leið upp í næstu deild þar sem þau sitja hlið við hlið með 16 stig eftir 12 umferðir.
Volda TI 5 - 1 Hodd2
Kongsvinger2 1 - 5 Hönefoss
