„Þetta er mjög erfiður útivöllur. Ef einhver þekkir það að spila hérna fyrir norðan á Akureyri þá er það ég. Mér fannst við flottir í dag frá upphafi til enda. Að skora fimm mörk á móti KA gerist ekki oft á Greifavellinum," sagði Srdjan Tufegdzic, Túfa, eftir sigur Vals gegn KA í kvöld.
Lestu um leikinn: KA 2 - 5 Valur
„Þó svo að við höfum fengið á okkur tvö mörk þá var það ekkert út af því að varnarleikurinn var slakur. Þetta var í lok fyrri hálfleiks og lok seinni hálfleiks þegar við töldum að við gætum leyft okkur að slaka á. Það er góður lærdómur fyrir næstu leiki að það er enginn tími til að slaka á."
Tryggvi Hrafn Haraldsson var ekki í leikmannahópnum þar sem hann vaknaði með magapest í morgun. Adam Ægir Pálsson var í byrjunarliðinu og skoraði og átti stóran þátt í tveimur öðrum mörkum.
„Hann uppsker fyrir sína vinnu sem hann er búinn að leggja í og þolinmæði. Það er ekkert auðvelt fyrir hann að koma frá Ítalíu og bíða svona lengi eftir tækifæri. Búinn að koma inn á í öllum leikjum nánast. Ég sagði við hann að leggja hart á sig og halda haus, það er alltaf leiðin til þess að uppskera og hann átti frábæran leik í dag, ég er mjög ánægður með hann," sagði Túfa um Adam Ægi.
Athugasemdir
