| þri 27. júlí 2021 11:49 |
|
Rooney meiddi sinn eigin leikmann illa
Wayne Rooney stýrir Derby County.
Það eru minna en tvær vikur í Championship-deildina og Derby er bara með níu aðalliðsleikmenn skráða hjá félaginu - tveir af þeim eru markmenn.
Wayne Rooney, þjálfari liðsins, hefur verið að taka þátt á æfingum því það eru svo fáir leikmenn hjá félaginu.
Núna eru bara átta leikmenn heilir heilsu því Rooney sjálfur meiddi miðjumanninn Jason Knight á æfingu. Knight varð fyrir slæmum ökklameiðslum og verður frá næstu þrjá mánuðina.
Derby var sett í félagagaskiptabann í síðasta mánuði fyrir brot á fjárhagsreglum EFL en sambandið ákvað þó að slaka aðeins á reglunum í ljósi þess að félagið er ekki með marga aðaliðsmenn í hópnum. Félagið má fá fimm leikmenn á frjálsri sölu. Staðan er ekki góð.
Athugasemdir
Nýjustu fréttirnar
22:43
