Fotbolti.net
28.02.22 - 15:13
Elvar Geir Magnússon

KSÍ: Ekkert íslenskt landslið mun leika við landslið frá Rússlandi

Vanda Sigurgeirsdóttir, formaður KSÍ.

Vanda Sigurgeirsdóttir, formaður KSÍ.

Canon

Mynd: Fótbolti.net - Hafliði Breiðfjörð

Knattspyrnusamband Íslands hefur sent frá sér yfirlýsingu þess efnis að ekkert íslenskt landslið muni spila gegn landsliði frá Rússlandi á meðan á hernaði Rússa stendur.

Ný stjórn KSÍ fundaði í hádeginu í dag og í kjölfar fundarins var yforlýsingin gefin út. Þá kemur fram að ekki komi til greina að leika landsleiki í Hvíta-Rússlandi.

Í apríl á íslenska kvennalandsliðið að spila útileik gegn Hvíta-Rússlandi í undankeppni HM. Karlalandsliðið er í riðli með Rússlandi í Þjóðadeildinni og á að spila útileik í júní en heimaleik í september.
Frá KSÍ vegna innrásar Rússlands í Úkraínu

Knattspyrnusamband Íslands (KSÍ) fordæmir innrás Rússlands í Úkraínu. Stríðsátök hafa fært ólýsanlegar hörmungar yfir mannkynið í gegnum söguna og nú hafa rússnesk yfirvöld, með stuðningi Hvít-rússneskra yfirvalda fært slíkar hörmungar yfir Úkraínu.

Stjórn KSÍ hefur ákveðið að ekkert íslenskt knattspyrnulandslið muni leika við landslið frá Rússlandi meðan á hernaði Rússa stendur. Ákvörðunin nær m.a. til þeirra leikja sem eru framundan í Þjóðadeild UEFA (A landslið karla) og engu skiptir þó viðkomandi lið leiki ekki undir nafni eða fána Rússlands.

Vegna stuðnings Hvíta-Rússlands við innrás Rússa í Úkraínu hefur stjórn KSÍ jafnframt ákveðið að ekki komi til greina að íslensk knattspyrnulandslið leiki við Hvít-rússnesk lið á Hvít-rússneskri grundu á meðan á hernaðinum stendur. Sú ákvörðun nær m.a. til þeirra leikja sem eru framundan í undankeppni HM 2023 (A landslið kvenna).

KSÍ fylgist grannt með þróun mála, er í reglulegu sambandi við UEFA og utanríkisráðuneyti Íslands, og mun endurskoða afstöðu sína ef ástæða er til.

Íslensk knattspyrna stendur með Úkraínu og hvetur Rússa til að hætta árásum og draga herlið sitt til baka tafarlaust.



Hér má sjá yfirlýsinguna á ensku

FA of Iceland statement regarding Russian invasion of Ukraine

The Football Association of Iceland (KSÍ) condemns the Russian invasion of Ukraine. Wars have brought unspeakable suffering on mankind throughout history, and now Russian authorities, with the support of Belarus authorities, have brought such suffering on Ukraine.

The KSI board has decided that no Icelandic National football team shall play matches against any National team from Russia while the Russian attack continues. The decision includes upcoming matches in the UEFA Nations League (men´s A National teams), regardless of whether the team plays under the name or the flag of Russia or not.

Due to the Belarusian support of the Russian invasion of Ukraine, the KSI board has also decided that no Icelandic National football team shall play matches against Belarus in the territory of Belarus while the attack continues. That decision includes upcoming matches in the FIFA WWC qualifiers (women´s A National teams).

The KSÍ is closely monitoring the situation, is in regular contact with UEFA and the Icelandic foreign ministry, and may reconsider its decisions if the situation changes.

Icelandic football stands with Ukraine and calls on Russia to stop the attacks and withdraw all military forces immediately.
Arnar Þór Viðarsson landsliðsþjálfari.

Arnar Þór Viðarsson landsliðsþjálfari.

Canon

Mynd: Fótbolti.net - Hafliði Breiðfjörð

Vladimír Pútín, forseti Rússlands.

Vladimír Pútín, forseti Rússlands.

Canon

Mynd: Getty Images

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.