Lengjubikar kvenna: Fjölnir í góðri stöðu fyrir lokaumferðina

Fjölnir vann ÍH með fjórum mörkum gegn engu í riðli 1 í C deild Lengjubikars kvenna í kvöld.

Eva María Smáradóttir skoraði fyrsta markið en Anna María Bergþórsdóttir fylgdi því eftir með því að skora þrennu.

C deildin er skipt í tvo riðla og efstu tvö liðin úr hvorum riðli fara í undanúrslitin.

ÍA er á toppi riðils 1 með níu stig en Fjölnir er með sex stig í 2. sæti eftir leik kvöldsins. KH og ÍH eru með þrjú stig en Fjölnir er með talsvert betri markatölu.