mið 28. apríl 2021 06:00
Sæbjörn Þór Þórbergsson Steinke
Arna Sif tilnefnd sem leikmaður mánaðarins hjá Glasgow
Mynd: Fótbolti.net - Hafliði Breiðfjörð
Arna Sif Ásgímsdóttir hefur leikið vel frá því skoska kvennadeildin fór af stað. Langt hlé var á deildinni vegna covid en eftir hlé hefur Glasgow City unnið fimm leiki í þessum mánuði og er á toppi deildarinnar.

Liðið vann þrjá leiki í síðustu viku. Arna Sif hefur leikið í fjórum leikjanna og verið fyrirliði liðsins.

Hún er á láni hjá skoska félaginu frá Þór/KA og heldur heim til Íslands í maí.

Liðið hefur aðeins fengið á sig eitt mark og Arna skoraði í fyrsta leiknum í mánuðinum. Hún hefur verið tilnefnd sem besti leikmaður liðsins í apríl.

Hér að neðan má kjósa Örnu sem leikmann mánaðarins. Einnig er hægt að hlusta á nýjasta þátt Heimavallarins þar sem Arna Sif var til viðtals.


Heimavöllurinn - Of feimin til að mæta á æfingar, FH ætlar upp og Arna Sif dóminerar skosku háloftin
Athugasemdir
banner