Umboðsmaðurinn Mino Raiola er allt annað en sáttur við fréttir sem hafa borist í morgun þess efnis að hann sé látinn.
Fjöldi ítalskra fjölmiðla greindi frá andláti hans í morgun en umboðsmaðurinn kom á Twitter rétt í þessu og leiðrétti það.
„Núverandi staða heilsu minnar fyrir þau sem eru að velta því fyrir sér: brjálaður í skapinu, þetta er í annað sinn á 4 mánuðum sem þeir drepa mig. Virðist líka geta endurlífgast," skrifaði hann á Twitter.
Raiola hefur verið að glíma við veikindi og dvalið á sjúkrahúsi að undanförnu og staðan hefur verið slæm. Hann er sagður berjast fyrir lífi sínu en er þó ekki látinn eins og ítalskir fjölmiðlar fullyrtu í morgun.
Current health status for the ones wondering: pissed off second time in 4 months they kill me. Seem also able to ressuscitate.
— Mino Raiola (@MinoRaiola) April 28, 2022
