Daníel Agnar spilar með Herði í sumar (Staðfest)

Daníel Agnar er fæddur 1997 og hefur verið hjá Vestra í rúm fimm ár. Hann spilaði 15 leiki í Lengjudeildinni í fyrra og því nokkuð líklegt að hann verði meðal gæðameiri leikmanna fimmtu deildarinnar í sumar.

Vestri náði í 28 stig úr 22 umferðum í fyrra og endaði tíu stigum fyrir ofan fallsæti.

Hörður fékk 15 stig úr 14 umferðum í 4. deildinni í fyrra, sem var ekki nægilega góður árangur til að halda sér uppi eftir að breytt var um fyrirkomulag og nýrri deild bætt við.