„Skiptir engu máli hvernig, bara að vinna leikinn"

Selfyssingar felldu Ólsara með þessum sigri og tryggðu um leið sæti sitt í Lengjudeildinni að ári.

„Mér fannst þeir koma út og spila ágætlega á köflum í seinni hálfleik. Þeir yfirspiluðu okkur nokkrum sinnum á miðjunni og náðu nokkrum færum," sagði Dean Martin, þjálfari Selfoss, í viðtali eftir leikinn.

„Þetta er lið sem er að berjast fyrir lífi sínu og þeir gáfu allt í þetta. Fyrir okkur eru þetta góð úrslit."

Selfoss er að enda mótið vel. „Markmiðið í dag var að koma að vinna leikinn. Það skiptir engu máli hvernig, bara að vinna leikinn," sagði þjálfari Selfyssinga.