Malmö varð sænskur meistari í kvöld þegar liðið lagði Gautaborg af velli.
Leiknum lauk með 2-1 sigri Malmö en Kolbeinn Þórðarson var í byrjunarliði Gautaborgar. Daniel Tristan Guðjohnsen er leikmaður Malmö en hann hefur ekkert komið við sögu á þessari leiktíð.
Malmö er með átta stiga forystu á toppnum þegar tvær umferðir eru eftir. Gautaborg er í 12. sæti með 30 stig.
Guðmundur Þórarinsson var ekki með FC Noah þegar liðið vann 1-0 gegn Ararat-Armenia í armensku deieldinni í kvöld. Guðmundur fór meiddur af velli í 1-0 tapi liðsins gegn Rapid í Sambandsdeildinni á dögunum.
Noah er í 4. sæti með 19 stig, tíu stigum frá toppsætinu en liðið á þrjá leiki til góða.
Þá var Stefan Ljubicic ónotaður varamaður þegar Skovde gerði 2-2 jafntefli gegn Oddevold í næstefstu deild í Svíþjóð. Skovde er á botninum með 24 stig eftir 28 umferðir og getur í besta falli komist í umspiltil að halda sæti sínu í deildinni.
