Manchester United trúir því að koma Ralf Rangnick til félagsins muni gefa liðinu forskot á önnur lið í baráttunni um Erling Braut Haaland (21) leikmann Dortmund. (Mirror)

David Moyes, stjóri West Ham, mun gera lokatilraun til þess að kaupa James Tarkowski (29) frá Burnley. Englendingurinn verður frjáls sinna ferða næsta sumar. (Sun)

Fiorentina hefur sett 55 milljóna punda verðmiða á Dusan Vlahovic til þess að fæla burt lið eins og Manchester United. Þessi 21 árs gamli framherjir mun að öllum líkindum ekki fara neitt í janúar glugganum. (Mail)

Alexandre Lacazette rennur út af samning hjá Arsenal næsta sumar. Hans umboðsmaður hefur sagt að hann og hinn þrítugi Lacazette séu að skoða stöðuna og hvað sé í boði. (Telefoot)

Real Madrid mun ekki reyna fá Paul Pogba næsta sumar þrátt fyrir að hafa verið orðað mikið við leikmanninn að undanförnu. (Marca)

PSG mun ekki leyfa Mauricio Pochettino að fara á miðju tímabili en félagið er tilbúið að skoða stöðuna eftir tímabilið og ræða málin. (Goal)

Philippe Coutinho (29) gæti verið á leið til Newcastle United í janúar. Hann ku hafa neitað því í fyrstu en nú er staðan orðin önnur. (El Nacional)

Pep Guardiola hefur sagt að Manchester City verður eina enska liðið sem hann mun þjálfa á ferlinum. (Manchester Evening News)

Franski framherjinn Nabil Fekir (28), hefur komist að samkomulagi við Real Betis um nýjan samning hjá liðinu. (Mundo Deportivo)

Crystal Palace fylgist með spænska framherjanum Borja Mayoral en þessi 24 ára gamli framherji er í kuldanum hjá AS Roma á láni frá Real Madrid. (Marca)

Arsenal og Tottenham hafa bæði áhuga á hinum 21 árs gamla Dejan Kulusevski, leikmanni Juventus. (Calcio Mercato)

Framkvæmdarstjóri Aston Villa, Christian Purslow, segir að félagið muni fá einn til tvo nýja leikmenn í janúar glugganum. (Birmingham Mail)