Hann komst nálægt því að skora er Crystal Palace heimsótti Brighton í hádegisleik dagsins í ensku úrvalsdeildinni en skaut í stöngina úr algjöru dauðafæri.

Zaha var á fleygiferð þegar boltinn barst til hans. Hann var með opið mark fyrir framan sig en náði ekki að stýra knettinum framhjá stönginni úr nokkuð þröngu færi.

Zaha er kominn með þrjú mörk og fimm stoðsendingar í 28 leikjum á tímabilinu. Klúðrið úr hádegisleiknum má sjá hér.

Crystal Palace vann leikinn 0-1 og er um miðja deild, fimm stigum frá Evrópusæti.