FH sagt greiða um 2 milljónir fyrir Ísak

Ísak Óli er samningsbundinn danska félaginu Esbjerg en danski miðillinn Tipsbladet greindi frá því í dag að hann muni ganga til liðs við FH fyrir 100 þúsund danskar krónur eða um tvær milljónir íslenskra króna.

Esbjerg er á toppi dönsku C-deildarinnar og er á góðri leið að tryggja sér sæti í B-deildinni á næstu leiktíð. Ísak var ekki í stóru hlutverki hjá félaginu eftir vetrarfrí.

Þessi 23 ára gamli varnarmaður er uppalinn Keflvíkingur en hann gekk til liðs við Sonderjyske árið 2019 en var á láni hjá Keflavík árið 2021 áður en hann gekk til liðs við Esbjerg.