Veðbankar og lesendur hallast að Víkingi

Veðbankinn Epicbet telur Víking líklegra liðið til þess að sigra einvígið. Stuðullinn á að Víkingur fari áfram er 1.82 en 1.95 á þá ísraelsku.

Hapoel er þó talið mun líklegra til þess að vinna leikinn með 1.64 í stuðul, Víkingar með 4.78 og þá er 4.15 í stuðul á jfantefli.

Bet365 er á sama máli og setur 1.80 í stuðul á Víking til að fara áfram en 1.95 á Hapoel.

Þá ríkir mikil bjartsýni meðal lesenda Fótbolta.net, en um 70 prósent þeirra tæplega tvö þúsund sem tóku þátt í könnun á forsíðunni spá Víkingi áfram.

Leikið verður á Haladás leikvanginum í Szombathely í Ungverjalandi vegna átakana í Ísrael. Flautað verður til leiks 17:30 og gert er ráð fyrir um 200-300 ísraelskum stuðningsmönnum á vellinum.