Líklegt byrjunarlið Víkings í Meistaradeildinni

Nikolaj Hansen hefur verið að glíma við ökklameiðsli sem hann varð fyrir í seinni leik Víkings gegn Györ fyrir um tveimur vikum síðan. Niko spilaði ekki næsta leik þar á eftir, sem var tapleikur gegn Þór Akureyri en var mættur í byrjunarliðið í síðustu viku gegn Hapoel þar sem hann skoraði bæði mörk liðsins. Niko var ekki með gegn Keflavík síðastliðinn föstudag og hefur æft lítið sem ekkert síðustu daga. Niko ferðaðist með liðinu til Ungverjalands en við spáum því að hann verði ekki í byrjunarliðinu í kvöld.

Tarik Ibrahimagic hefur fengið takmarkaðan spilatíma undanfarið en hefur reynst Víkingum drjúgur í Evrópuleikjum þar sem hann hefur oft verið í byrjunarliðinu í útileikjum, sem dæmi gegn Györ fyrir tveimur vikum og gegn Panathinaikos þegar Víkingar léku í Sambandsdeildinni. Sveinn Margeir gerir einnig tilkall að sæti í byrjunarliðinu þar sem hann er sá sem hefur mesta reynslu að spila sem framherji á bekk Víkings og gæti því leyst hlutverk Niko í dag.

Vörn Víkinga hefur verið mjög sannfærandi á tímabilinu og er sterkasta varnarlínan nokkuð sjálfvalin. Allar líkur eru á því að Sölvi stilli upp sömu varnarlínu og í fyrri leiknum gegn Hapoel þar sem Helgi Guðjóns, Gunnar Vatnhamar, Oliver Ekroth og Karl Friðleifur mynda fjögurra manna línu. 

Við spáum því einnig að miðjan verði óbreytt þar sem Gylfi Sig og Daníel Hafsteinsson verði saman þar og Óskar Borgþórs og Valdimar Þór verða sitthvorum megin við þá.

Líklegt byrjunarlið Víkings