Pulisic þurfti að fara á spítala eftir markið

Sigurinn tryggði Bandaríkjunum sæti í 16-liða úrslitum þar sem næstu andstæðingar verða öflugir Hollendingar. 

Markið hans Pulisic var því gríðarlega mikilvægt en hann var afar óheppinn að meiða sig illa í leiðinni. Kantmaðurinn lenti í samstuði við markvörð Írana og þurfti aðhlynningu en hélt svo leik áfram og kláraði síðustu mínúturnar í fyrri hálfleik.

Honum var þó skipt af velli í leikhlé vegna kviðverkja og greindi FOX Sports síðar frá því að Pulisic hafi farið með sjúkrabíl upp á spítala.

Miðað við myndbandið hér fyrir neðan lítur út fyrir að Pulisic hafi fengið takkana á markverði Kamerún beint á heilaga staðinn sinn.