Hwang Ui-jo í leik með Suður-Kóreu.
Fótboltasamband Suður-Kóreu hefur sett framherjann Hwang Ui-jo í bann frá landsliðinu á meðan rannsakaðar eru ásakanir í hans garð.
Hwang er sakaður um að hafa dreift myndbandi af samförum sínum við fyrrum kærustu sem hann tók upp á símann sinn án hennar samþykkis.
Hwang er sakaður um að hafa dreift myndbandi af samförum sínum við fyrrum kærustu sem hann tók upp á símann sinn án hennar samþykkis.
Hwang spilar fyrir Norwich á lánssamningi frá Nottingham Forest og skoraði í 3-2 tapi gegn Watford í gær.
Leikmaðurinn neitar sök en breska ríkisútvarpið segir að Norwich, sem spilar í Championship-deildinni, sé meðvitað um ásakanirnar og fylgist með gangi mála.
Fótboltasamband Suður-Kóreu segist ætla að bíða eftir að niðurstöðu úr lögreglurannsókn áður en Hwang verði hleypt aftur í landsliðið. Landsliðsþjálfarinn Jurgen Klinsmann segist styðja ákvörðun sambandsins.
Athugasemdir
