Það er í annað sinn sem Moyes tekur við West Ham. Hann tók við af Slaven Bilic fyrir tveimur árum og hjálpaði liðinu þá að forðast fall. Hann fékk ekki að halda áfram með liðið eftir það tímabil og hefur ekki verið í starfi síðan þá.

Moyes var orðaður við Everton áður en Carlo Ancelotti var ráðinn þangað.

Hinn 55 ára gamli Moyes hefur stýrt Preston, Everton, Manchester United, Real Sociedad og Sunderland, auk West Ham.

Næsti leikur West Ham er gegn Bournemouth á nýársdag og verður það fyrsti leikur Moyes. Eftir tap gegn Leicester í gær er West Ham í 17. sæti, einu stigi frá fallsæti.