Anton Ingi, þjálfari Fram
Anton Ingi, þjálfari Fram, sagðist vera mjög svekktur eftir leik Fram gegn FH, sem fór 6-2 fyrir FH nú í 7. umferð Bestu Deildar Kvenna.
Lestu um leikinn: FH 6 - 2 Fram
„Ég er svekktur, líka út í sjálfan mig að hafa breytt aðeins of mikið í fyrri hálfleik eftir að vel gekk.''
Við spiluðum fyrri hálfleikinn alveg eins og við vildum spila hann og úr honum koma tvö góð mörk frá Taylor. Við fáum á okkur svo mark snemma í seinni og þá er eins og við missum einhvern veginn trúnna og mér finnst það fyrsti leikurinn okkar í sumar sem það gerist.''
Fram var yfir 1-2 í fyrri hálfleik en misstu svo alveg tökin í seinni hálfleik. Hvað klikkaði?
„Við ætluðum okkur að vera þéttar en svo opnast flóðgáttir hjá okkur í vörninni og þær komast of auðveldlega í gegnum okkur.''
Framundan er tveggja vikna frí í Bestu Deild kvenna, en Fram spilar sinn næsta leik gegn Grindavík/Njarðvík á heimavelli þann 13. júní.
„Við ætlum að taka okkur fimm daga í frí og ætlum að reyna halda okkar striki. Við náðum góðum sigri gegn Þór/KA seinast og ætlum að ná í þessi þrjú stig.''
Fram situr í 9. sæti eftir þennan leik með 4 stig.
Viðtalið má sjá í heild sinni í spilaranum fyrir ofan.
