Jóhannes Kristinn er mættur til Kolding.
Það ríkir mikil ánægja hjá Kolding með það að félaginu hafi tekist að klófesta Jóhannes Kristinn Bjarnason frá KR.
Kolding borgaði tæpar 10 milljónir íslenskra króna til að krækja í Jóhannes.
Kolding borgaði tæpar 10 milljónir íslenskra króna til að krækja í Jóhannes.
„Það er skiljanlegt að Jóhannes sé með fótbolta í blóði sínu; ef þú horfir á hann, þá sérðu leikmann sem er með mikinn skilning á leiknum," sagði Niklas Nürnberg, yfirmaður fótboltamála hjá Kolding, um skiptin. Jóhannes kemur auðvitað úr mikilli fótboltafjölskyldu en hann er sonur Bjarna Guðjónssonar.
„Hvernig hann er með boltann og hvernig hann hreyfir sig með hann, það er ótrúlega mikið flæði í því og mikið innsæi. Hann er ótrúlega fjölhæfur leikmaður sem getur leyst margar stöður og er með mikinn leikskilning sem getur nýst vel í því hvernig við spilum."
Kolding er með þrjú stig eftir tvær umferðir í næst efstu deild í Danmörku. Ari Leifsson er leikmaður liðsins.
Athugasemdir
