Bournemouth steig stórt skref fram á við á síðasta tímabili eftir að hafa tryggt sér áframhaldandi sæti í ensku úrvalsdeildinni tímabilið áður. Liðið endaði í 9. sæti deildarinnar tímabilið 2024–25 og spilaði á köflum frábæran og aðlaðandi fótbolta. Stjórinn Andoni Iraola, sem tók við liðinu sumarið 2023, hefur smíðað lið sem spilar með mikilli orku, hraða og hugrekki. Með árásargjarnri pressu og hröðum fótbolta hefur hann náð að móta lið sem getur valdið flestum liðum í deildinni vandræðum. Einn af hápunktum síðasta tímabils var ellefu leikja taplaus hrina sem stóð frá nóvember og fram í febrúar. Bournemouth komst einnig í átta liða úrslit enska bikarsins þar sem liðið féll úr leik gegn Manchester City eftir hörkuleik.

Eftir mjög árangursríkt tímabil voru eðlilega breytingar á leikmannahópnum í sumar. Dean Huijsen, ungur miðvörður sem lék lykilhlutverk í vörninni og vakti gríðarlega athygli, var seldur til Real Madrid fyrir stórfé og vinstri bakvörðurinn Milos Kerkez fór til Liverpool eftir að hafa verið einn besti leikmaður tímabilsins í sinni stöðu. Bournemouth hafnaði þá háu tilboði frá PSG í miðvörðinn Illia Zabarnyi, en óvissa ríkir um hans framtíð. Til að bregðast við brottförum hefur félagið fengið Adrien Truffert frá Rennes til að fylla skarð Kerkez í bakverðinum og Djorde Petrovi? frá Chelsea sem nýjan aðalmarkvörð. Einnig er félagið sagt hafa áhuga á Josh Acheampong, ungum varnarmanni Chelsea, til að styrkja varnarleikinn enn frekar en það vantar klárlega aðeins meira til að styrkja liðið frekar, sérstaklega eftir að hafa misst Huijsen.

????? DEAN HUIJSEN: "I want to thank the president and the club for all their confidence. I've wanted to be here since day one, and since Real Madrid called me, I haven't had eyes for other teams. It's the club of my life, HALA MADRID."

pic.twitter.com/DKMV5Vy9xQ
— Real Madrid Info ³? (@RMadridInfo) June 10, 2025

Með þriðja tímabil Iraola framundan er ljóst að Bournemouth ætlar sér að gera betur en bara að halda sér í deildinni. Taktísk nálgun hans byggir á mikilli pressu, skipulagi og hraða í sóknarleiknum og leikmenn virðast treysta aðferðafræðinni. Liðið hefur haldið í flesta sóknartengda lykilleikmenn sína þar á meðal Antoine Semenyo, sem skoraði ellefu mörk á síðasta tímabili og skrifaði undir nýjan samning til ársins 2030. Hann var orðaður við Tottenham en hélt tryggð við félagið. Justin Kluivert, sem átti líka sterkt tímabil, er enn hluti af hópnum og býr yfir hæfileikum til að opna varnir með einstaklingsframtaki. Aðrir leikmenn eins og Dango Ouattara og Evanilson tryggja dýpt í sóknarlínu liðsins. Þó að tveir lykilmenn hafi verið seldir er hópurinn áfram sterkur og spennandi. Ef allt gengur upp þá gæti Bournemouth ekki aðeins náð topp tíu, heldur jafnvel blandað sér í baráttuna um sæti í Evrópukeppni – eitthvað sem virtist óhugsandi fyrir nokkrum árum.

Stjórinn: Helsta ástæða þess að vera bjartsýnn sem stuðningsmaður Bournemouth er sú að stjóri liðsins er Andoni Iraola. Það var umdeild ákvörðun fyrir nokkrum árum þegar Gary O'Neil var látinn fara og Iraola var ráðinn. O'Neil hafði náð mjög fínum árangri og var einn af stjórum tímabilsins þegar hann var látinn fara. Þess vegna var það umdeilt, en eftir á hefur það verið býsna góð ákvörðun vegna þess að Iraola er gríðarlega spennandi stjóri. Hann er einn af mest spennandi stjórum ensku úrvalsdeildarinnar og stærri félög eru farin að horfa til hans. Eftir að hafa tekið við liðinu sumarið 2023 — án fyrri reynslu frá enskum fótbolta — byrjaði hann illa með sex töp og þrjú jafntefli í fyrstu níu leikjum sínum. En hann snéri taflinu við með ótrúlegum hætti og Bournemouth bætti met sitt yfir flest sig í deildinni það tímabilið með 48 stig. Í fyrra blandaði liðið sér svo í baráttu um Evrópusæti. Spilastíll Iraola byggir á mikilli pressu, djörfu varnarskipulagi og snörpum skyndisóknum, þar sem hann skiptir taktískt á milli 4?2?3?1 og 4?3?3 kerfa eftir aðstæðum. Bournemouth er meðal þeirra fremstu í deildinni þegar kemur að væntum mörkum (xG), og þeir vinna boltann oftar en flest önnur lið á síðustu þriðjungi vallarins. Fyrir utan völlinn er hann rólegur, hógvær og leggur áherslu á einingu og einfaldleika.

Leikmannaglugginn: Eins og áður kemur fram þá hefur Bournemouth misst tvo af sínum bestu mönnum og það er möguleiki á því að Zabarnyi sé einnig á förum þó svo að félagið vilji ekki selja hann. Það hljóta að koma fleiri leikmenn inn áður en glugginn lokar.

Komnir:
Djordje Petrovic frá Chelsea - 25 milljónir punda
Adrien Truffert frá Rennes - 11,4 milljónir punda
Neto frá Arsenal - Var á láni

Farnir:
Dean Huijsen til Real Madrid - 50 milljónir punda
Milos Kerkez til Liverpool - 40 milljónir punda
Mark Travers til Everton - 4 milljónir punda
Joe Rothwell til Rangers - Óuppgefið kaupverð
Max Aarons til Rangers - Á láni
Jaidon Anthony til Burnley - Óuppgefið kaupverð

Líklegt byrjunarlið

Þrír lykilmenn:
Illia Zabarnyi er stórkostlegur miðvörður sem myndaði eitt sterkasta miðvarðapar ensku úrvalsdeildarinnar með Dean Huijsen í fyrra. Það er alveg ástæða fyrir því að Evrópumeistarar PSG eru að reyna að sækja hann núna. Hann er mjög yfirvegaður og með frábærar staðsetningar. Hefur alla burði til að vera einn besti varnarmaður ensku deildarinnar.

Antoine Semenyo steig mjög upp á síðasta tímabili og það var afar sterkt hjá Bournemouth að ná að framlengja samningi við hann í sumar. Hann var orðaður við bæði Manchester United og Tottenham en skrifaði undir framlengingu á samningi sínum. Hann skoraði ellefu mörk í ensku úrvalsdeildinni á síðasta tímabili og ógnar með hraða sínum og krafti.

???????? Antoine Semenyo has signed new long term deal at Bournemouth valid until June 2030!

Crucial move for #AFCB to keep one of the most wanted players on the market. pic.twitter.com/IzRn0KA5SG
— Fabrizio Romano (@FabrizioRomano) July 1, 2025

Justin Kluivert er með stórt eftirnafn í fótboltanum því faðir hans Patrick Kluivert var á sínum tíma stórkostlegur leikmaður. Lengi vel hefur það reynst erfitt fyrir Patrick að bera þetta eftirnafn en á síðasta tímabili fór hann að sýna hvað í honum býr. Hann skoraði nokkrar þrennur á síðasta tímabili og var öflugur á vítapunktinum. Hann er hraður og með mikla tækni, og er gríðarlega gaman að horfa á hann spila fótbolta.

Fylgist með: Milos Kerkez yfirgaf Bournemouth í sumar og fór til Liverpool en á síðasta tímabili var hann einn besti leikmaður ensku úrvalsdeildarinnar í stöðu vinstri bakvarðar. Í hans stað keypti félagið Adrien Truffert frá Rennes í Frakklandi og er honum ætlað að fylla í skarðið sem Kerkez skilur eftir sig. Truffert er 23 ára gamall og hefur spilað mikilvægt hlutverk fyrir Rennes síðustu ár, en frammistaða hans þar hefur skilað honum kalli í franska landsliðshópinn. Það verður gaman að fylgjast með því hvernig Truffert mun skila þessu hlutverki og hvernig mun ganga hjá honum að fylla í þessi stóru fótspor. Bakvörðurinn hinum megin, Julián Araujo, var keyptur frá Barcelona síðasta sumar, og það er líka leikmaður til að fylgjast með en hann er virkilega skemmtilegur leikmaður.

Besta og versta mögulega niðurstaða: Það er erfitt að sjá það að Bournemouth muni vera í einhverri fallbaráttu þó liðinu sé spáð þessu sæti. Versta niðurstaðan er sú að þeir verði nálægt fallsvæðinu en þó ekki í mikilli fallbaráttu. Besta niðurstaðan er sú að liðið verði í Evrópubaráttu og nái að komast í Evrópukeppni fyrir næsta tímabil.

Þau sem spáðu: Anton Freyr Jónsson, Elíza Gígja Ómarsdóttir, Elvar Geir Magnússon, Guðmundur Aðalsteinn Ásgeirsson, Haraldur Örn Haraldsson, Ívan Guðjón Baldursson, Kári Snorrason, Mate Dalmay, Snæbjört Pálsdóttir, Stefán Marteinn Ólafsson, Sverrir Örn Einarsson, Sæbjörn Þór Þórbergsson Steinke og Sölvi Haraldsson.

Liðin fengu eitt stig og upp í 20 eftir það hvar hver og einn spáði þeim. Liðið í síðasta sæti fékk eitt stig, liðið í 19. sæti tvö stig og koll af kolli. Stigin í spánni tengjast á engan hátt stigafjölda liðanna í deildinni..

Spáin:
1. ?
2. ?
3. ?
4. ?
5. ?
6. ?
7. ?
8. ?
9. ?
10. ?
11. ?
12. ?
13. ?
14. ?
15. Bournemouth, 85 stig
16. Brentford, 79 stig
17. Leeds, 53 stig
18. Wolves, 50 stig
19. Sunderland, 33 stig
20. Burnley, 22 stig

Athugasemdir

07:00

Eiga ekki afturkvæmt í lið Chelsea

06:30

Myndaveisla: Víkingur upp í topp sex eftir fjórða sigurinn í röð