Heimamenn voru betri í fyrri hálfleik en hvorugt lið átti marktilraun sem hæfði rammann. Í síðari hálfleik var meira um færi en stórliði Atletico mistókst að koma knettinum í netið.

Joao Felix og Luis Suarez byrjuðu saman frammi en í heildina átti Atletico 14 marktilraunir í leiknum og fór aðeins ein þeirra á markið.

Atletico er með fjögur stig eftir tvo fyrstu leiki tímabilsins á meðan Huesca var að spila sinn fjórða leik og er komið með þrjú stig.

Paco Alcacer setti þá tvennu er Villarreal lagði Alaves að velli. Paco gerði fyrsta mark leiksins en gestirnir jöfnuðu á 36. mínútu eftir skelfileg mistök hjá Sergio Asenjo í marki heimamanna. Asenjo fór í úthlaup en boltinn skoppaði yfir hann og kláraði Edgar Mendez í opið mark.

Gerard Moreno kom Villarreal aftur yfir með marki úr vítaspyrnu áður en Paco kláraði dæmið á 67. mínútu, þegar hann fylgdi stangarskoti Moreno eftir.

Villarreal er með sjö stig eftir fjórar umferðir á meðan Alaves er aðeins með eitt stig. Paco Alcacer og Gerard Moreno eru komnir með þrjú mörk hvor.

Huesca 0 - 0 Atletico Madrid

Villarreal 3 - 1 Alaves
1-0 Paco Alcacer ('13)
1-1 Edgar Mendez ('36)
2-1 Gerard Moreno ('45, víti)
3-1 Paco Alcacer ('67)