Kevin-Prince Boateng mun leika fyrir Besiktas út tímabilið en hann gengur í raðir félagsins á lánssamningi frá Fiorentina.
Boateng hefur komið við sögu í 14 deildarleikjum á tímabilinu en hefur ekki tekist að sannfæra þjálfarateymið í Flórens um að hann sé rétti maðurinn til að leiða sóknarlínu liðsins.
Boateng er fjölhæfur leikmaður og getur spilað sem fremsti maður, í holunni fyrir aftan fremsta mann eða á miðri miðjunni. Hann býr yfir gríðarlegri reynslu eftir að hafa spilað fyrir félög á borð við Tottenham, Borussia Dortmund, AC Milan og Barcelona á ferlinum.
Boateng verður 33 ára í mars og er fenginn til að hjálpa Besiktas í toppbaráttunni í Tyrklandi. Meistararnir margföldu eru búnir að tapa fjórum af síðustu fimm deildarleikjum sínum og eru ellefu stigum á eftir toppliði Sivasspor.
Beşiktaş ailesine hoş geldin Kevin-Prince Boateng ⚡💥
— Beşiktaş JK (@Besiktas) January 31, 2020
Welcome to Beşiktaş @KPBofficial #DeliGibiSeverim 🖤 pic.twitter.com/gEIXgGdeiF
Athugasemdir