Petagna er 24 ára gamall og er þekktur fyrir líkamsburði sína. Hann er stór, sterkur og erfiður viðureignar en hann hefur gert 24 mörk í 56 deildarleikjum hjá SPAL. Á þessari leiktíð er hann kominn með 8 mörk í 20 leikjum.

Þar áður skoraði hann aðeins 9 sinnum í 63 leikjum með Atalanta, en hann á einnig leiki að baki fyrir Milan og Sampdoria.

Ekki er greint frá hversu langan samning Petagna skrifaði undir, en ítalskir fjölmiðlar telja að hann gildi þar til í júní 2024.

Petagna spilaði 29 leiki fyrir yngri landslið Ítalíu en á aðeins einn A-landsleik að baki.