Sóknarmaðurinn Connor Wickham hefur yfirgefið Crystal Palace og er búinn að semja við Sheffield Wednesday á láni út leiktíðina.
Þetta er í þriðja skiptið sem hinn 26 ára gamli Wickham fer á láni til Sheffield Wednesday. Hann fór þangað fyrst í febrúar 2013, og svo aftur í nóvember það sama ár.
Þegar hann var hjá Sheffield Wednesday 2013/14 tímabilið skoraði hann átta mörk í 11 leikjum.
Meiðsli hafa leikið Wickham grátt á hans ferli.
Á þessu tímabili hefur hann skorað eitt mark í sex úrvalsdeildarleikjum. Hann fer til Sheffield Wednesday í von um meiri spiltíma.
Sheffield Wednesday er í 12. sæti Championship-deildarinnar.
Athugasemdir