Sterkasta lið 13. umferðar - Í ham eftir landsliðspásu

Breiðablik vann 2-0 sigur á Þór/KA og er með jafnmörg stig og FH á toppi deildarinnar. Ólöf Sigríður Kristinsdóttir var maður leiksins og átti Elísa Viðarsdóttir fínan dag í vörn Blika.

FH missteig sig í Vestmannaeyjum eftir að hafa komist 2-0 yfir. Ingibjörg Magnúsdóttir var maður leiksins þar og átti Allison Grace Lowrey góða innkomu í lið ÍBV.

Katie Cousins er mætt aftur til landsins og sýndi góða frammistöðu í jafntefli Þróttar gegn Víkingi en þar lék Jasmín Erla Ingadóttir einnig vel.

Hildur Katrín Snorradóttir var þá maður leiksins í jafntefli Grindavík/Njarðvík gegn Stjörnunni. Bridgette Nicole Skiba átti sterkan leik í marki Stjörnunnar.